Wan Shillong U Ram Madhav ban ia kynduh ia U bah Sanbor, Bah Hek

Shillong: U Ram Madhav, uba dei u National Secretary jong ka seng BJP, ula ia kynduh mynta ka sngi, ia U Bah AL Hek bad U bah Sanbor Shullai ruh kumjuh, ha kaba U Madhav, ula pynpaw ia ka jingsngewlem halor ka jingkhlad noh jong ka kmie jong U bah Hek.

Ha ka jingthoh jong U Madhav ha ka twitter, u ong “La ia kynduh ia Ba A L Hek, Minister for Health in Meghalaya, Govt bad u nongialam ka seng BJP ha Shillong ban sngewlem halor ka jingkhlad noh ka kmie jongu. La ia kynduh ruh ia Ba Shanbor Sholai, BJP candidate for Shillong Lok Sabha. pic.twitter.com/cwogMMo4OX

— Chowkidar Ram Madhav (@rammadhavbjp) March 23, 2019

Ha kawei pat ka liang, U bah Sanbor Shullai, ula pynpaw ba ka ishu jong ka Citizenship Amendment Bill, kan nym ktah satia ia ka seng BJP, ha kane ka elekshon MP 2019. “Nga dei U MLA uba nyngkong eh ban her sha Delhi bad ai dorkhas sha u myntri rangbahduh ban pyrshah ia ka bill. Nga dei u nongmihkhmat paidbah bad ka jingsngew jong ki paidbah, ka dei hi ka jingsngew jongnga”.

U Bah AL Hek, myntri ka koit ka khiah ka sorkar Jylla, u kren thikna ba ka BJP, kan jop ia ka Shillong Seat bad ba ka seng BJP, ka trei shitom ban wan rah ia ka jingjop ha kane ka kynti. U Bah Hek, u pdiang ba ka por ka lyngkot eh bad kumta kin hap ban trei shitom shibun ban iaid sha ki jaka bapher bapher.

– Advertisement –

Phi don ban ong eiei? Cancel reply