Ki nongkhaii jhur na Dhubri, Mankachar bad Haatsingimari mynta ki la lah ban die ia ki mar jong ki ha ki iew khappud ba la wanrah hapdeng ka Assam bad Meghalaya, katba ki nongbylla sngi pat ki lah ban ki la lah ban wan phai biang ban wan trei sha Garo ryngkat ka jingpyn rung kyrteng ia lade. Ia lane ka rai la shim ha ka jingialang kaba la long hapdeng u , Deputy Commissioner ka West Garo Hills u Pravin Bakshi, u SDO ka Haatsingimari (Civil) u R C Malakar bad ki sengbhalang jong ka Ri-Lum Garo.
Ki sengbhalang ba kynthup ia ka Mother’s Union, GSU, ASWA, AYWO bad FKJGP ki long ki sengbhalang nalor kiwei pat kiba la wan ban ia sakhi ia kne ka jingiateh ban shah ia ki nongdie jhur na Dhubri bad ki thain jong ka ban wan die jhur lyngba kitei ki hat.
Ha kaba ia dei bad ka liang ki nongtrei bylla sngi jong ka Assam, ha katei ka jingialang ki la rai ban shah ia ki ban wan bylla sha Garo ha kaba ki hap ban da pynrung kyrteng ia lade ryngkat ki nongbah khlieh ia ki, u Bakshi u la ong bay n shah ia ki nongwan bylla sngi ban wan trei sha Garo hynrei ki kontraktor jong ki ki hap ban shim ka jingktikhlieh da kaba soi kyrteng ha ki kot rejistar ia ki briew la jong bad lada kim lah ban leh kumta ka ophis u DC kan pynsaja ia kitei ki kontraktor.
Kham ha shuwa ban pynlong ia katei ka jingialang u DC u la pynlong ka jingialang bad ki Sengbhalang jong ka West Garo Hills ban ia shim rai lang halor katei ka kam.
Phi don ban ong eiei?