Wan pynjot ki hati khlaw, ia ki bri kwai ha Borsora

Jowai, 15 Nohprah:
Ka kynhun ki hati khlaw kiba don haduh kumba 9 tylli ki la wan ban pynjot pynpra ia ki bri kwai jong ki paidbah ka shnong Borsora ha kane ka taiew ba la dep. “Ka bri jong nga ruh ka la shah pynjot ha kaba kitei ki hati ki la pynkheiñ lut ia ki dieng kwai jong nga kiba don ha katei ka shnong”, la iathuh u ma Tariang Massar uwei na ki riew paw khmat ka thain Narpuh Elaka. Utei u rangbah u la iathuh ba haduh mynta ki la ioh lum jingkhein na ki 7 ngut ki nongrep bad ka jingshah pynjot ki dieng kwai ka la kot shaduh kumba 10 hajar tynrai ei ei.