Wan pyndem uba pynkulmar ha ka jingiakhih ki RS

Shillong, 13 Nohprah:
Uwei u rangbah uba la tip kyrteng kum u Blesstar Rynjah, 47 snem karta na ka shnong Law sohtun u la leit pyndem ha ki pulit ka Rilbong Beat House, utei u rangbah u dei uba ki pulit ki la thwet namarba u la pynkulmar ha ka jingiaid paidbah ki Rangbah Shnong kaba la long ha ka 5 tarik u Naiwieng, ha ka jaka kaba don hajan ka Civil Hospital. Ki pulit ki la kem ia u bad la leit rah sha ka kashari ban pan jingbit na ka bynta ba un shah tohkit ar sngi khnang ban lap sa ia kiwei pat kiba donkti ha katei ka jingjia pynkulmar. Ki pulit ki la ong ba ki thwet ban ioh kem lut ia baroh ki runar kiba la pynkulmar ha katei ka sngi.