Wan pyndem u HNLC

Shillong,
15 Jymmang:
U   Wanbor Khar dewsaw uba ki ju khot sin u  Lung bad kumjuh ruh u William u khun jong u bah  From Lym puin na ka shnong Pyn densohsa, Mawsynram, East Khasi Hills, Shillong u la wan pyndem wait ha u Superitendent of Police, East Khasi Hills, Shillong ha ka sngi balang jong ka taiew.
U Wanbor u dei u dkhot ba la rim bha ka HNLC, bad utei u samla u la don 29 snem karta bad u la jah na la ing haduh 12 snem kynthih bad la wan synran ia u da ki kmie ki kpa bad ki bahaing hasem ha ka por ba u la wan pyndem ha khmat u SP.
U SP u bah M.Kharkrang u la iathuh ba u lung u  dei ruh u dkhot ka HNLC u ba la lait phet ha ka jingap ktem ki pulit dang ha kine ki khyndiat sngi ha ka 8 tarik mynta u bnai ha Lad Balki, Dangar katba u dang shong h akawei ka thuk thuk bad u paralok jong u Wansing Umlong uba ki ju khot sin u Muh, uba dei ruh u dkhot ka HNLC uba la shah kem ha katei ka jingap ktem ki pulit. U lung u la wan pyndem ha u SP khlem kino kino ki tiar ialeh, ong u SP.