Wan pyndem u GNLA

Shillong, 3 Lber:
Uwei u ehrang GNLA u la wan ban pyndem hakhmat ki pulit mynta ka sngi, utei u ehrang u dei uba la tip kyrteng kum u Chadam Ramed A Marak uba la ju khot sin kum u Mad kumjuh ru kum u Chitmang, 22 snem karta u ba dei na ka shnong Taidang Nachi Chiring , South Garo Hills.Katkum ka jingiathuh u SP ka SGH u Abraham T Sangma, u la ong ba u Marak u de iuba rung ha ka kynhun ba 7 jong ka GNLA bad u la rung seng ha u lber, 2015.
U la phet krad na ka kynhun kaba don ha Rongtol ha ka 24 tarik u rymphang bad u la poi ha Siju ha ka shiteng miet jong ka 2 tarik mynta u bnai.
U la poi sha ka lynti ban leit pyndem lyngba ka jingleit ia kren bad ki nongialam niam kiba don ha katei ka shnong. Katei ka jingwan pyndem u Marak ka dei hadien ka jingwan pyndem jong ki lehnoh ASAK mynhynnin ka sngi hapoh ka jingialam u Reding T Sangma.