Wan pyndem u ehrang ASAK

Shillong, 23 Lber:
Mynta ka sngi palei u ehrang jong ka seng lehnoh ASAK u la wan ban pyndem hakhmat ki pulit, utei u dei u dkhot ba rangbah jong ka GNLA uba la tip kyrteng kum u Raksim Ch Momin, 22 snem karta uba ju khot sin u Arikam hynrei u la phet noh na ka GNLA bad u la thaw ia ka ASAK. U la ia soh bad ka GNLA ha u snem 2012 ha ka kynhun kaba san hynrei ha u 2013 pat u la mih na katei ka seng ryngkat bad u Reding T Sangma bad ki la thaw ia ka ASAK.
U la wan pyndem ha ryngkat ka jingdonlang ki nongialam balang bad ki bahaing hasem. Katkum ka jingong jong u SP ka East Garo Hills u Vivekanand Singh u la ong ba utei u dei u lehnoh uba runar bha bad u dei uba j uteri ha ki thain ka East Garo Hills bad South Garo Hills. U de iruh uba la wan pyndem teng ha u snem 2014 ha Baghmara bad hadien u la shah kem biang bad la set ia u hapoh phatok ha Williamnagar hynrei u la lait phet na phatok ha u snem 2015 ryngkat bad 5 ngut kiwei pat bad u la isoh bad ka AMEF. Ha ka AMEF ruh um shym la shong slem bad u la mih noh ha u nohprah 2015.