Wan pyndem 4 ngut ki lehnoh AMEF

Shillong, 30 Naiwieng:
4 ngut ki lehnoh A’chik Matgrik Elite Force (AMEF) mynta ka sngi ki la wan ban pyndem ialade hakhmat ki pulit ka Rongjeng Police Station ha East Garo Hills. Kitei ki 4 ngut ki dei kiba la tip kyrteng kum u Niksrang ba ju khot sin kum u Rarik, Chiseng ba khot sin kum u Guare, Basrang ba ju khot kum u Asilang, bad u Sudrakar uba la tip da ka kyrteng sin kum u Mikjrao. Kitei ki 4 ngut ki la wan pynde ryngkat ki tiar ia leh ba kynthup ia ka AK – 56, AK-81, carbine, pistol, 78 AK rounds, 9 mm rounds, .32 rounds bad ki sahithi dawa pisa ryngkat ki kot ki sla ka AMEF. Ka khubor pulit ka la kam ba kitei ki 4 ngut ki la ngiah la jlep ia ka kam kaikhlaw bad ki la thmu ban im noh da ka jingim thymmai. Katba ha kawei pat ka khubor ki pulit ki la ioh kem ia u dkhot katei ka seng uba la tip kyrteng kum u Neujal A. Sangma na ka shnong Gabil Bisa, North Garo Hills.