Shillong 05 Iaiong: U khlur ialehkai kricket bapaw jong ka Ri India bad jong ka pyrthei hi baroh kawei, kata u Sachin Tendulkar hynnin ka sngi palei, ka 04 Tarik Iaiong 2025, u la leitkai pangad sha ki thaiñ Sohra, ha ka ba u la leit ban iujkjat ruh ha u Mawdohnud, ka badon ha laitmawsiang ka badei ruh ka jaka bapaw bha.
U Sachin Tendulkar ula poi sha u Mawdohnud ha kapor mynstep bad u la pynlutpor tang kumba katto kattne kynta eiei.
La iohi, ba lyngba ki durkhih, ba u Sachin Tendulkar mar shu mih na kali ki paidbah ba wan jngohkai ki la iaknieh shondur ia u, namar udei u rangialehkai cricket bapaw bha ha ka pyrthei.
La ioh jingtip, ba U sachin Tendulkar ula wan poi sha Nongbah Shillong myn ha ka sngi palei, ka 03 Tarik u Iaiong 2025.
Kum ban shu kdew hangne, ba ka Jylla Meghalaya ka la long kawei ka jaka ka ba pawnam bha, haba iadei bad ki jaka jngohkai pyrthei namar shibun ki briew bapaw nam, la kalong na ka Ri India bad na kiwei ki Ri ruh, ki ba la wan ban jngohkai ia ki jaka ba don ha ka jylla Meghalaya.
Phi don ban ong eiei?