Wan poi Shillong u Farhan Akhtar, ban ring ia ka Rock On 2

Shillong, 4 Risaw:
U Aktor Bolly wood u Farhan Akhtar u la wan poi tiap ha nongbah Shillong myn hynin ka sngi na ka bynta ban ring ia ka phlim Bollywood kaba la ai kyrteng ka Rock On 2.U Farhan u la poi ryngkat bad u Director katei ka phlim u Shujaat Saudagar.
Ki lad khubor ki la iathuh ba shen ha kine ki ar lai sngi yn sdang noh ban ring ia katei ka phlim bad yn leit ban ring ha kylleng ki jaka ba itynnad kane ka jylla ka ban shim por haduh kumba 2 bnai ban pyndep ia ka.
La ong ba ha katei ka phlim u nongshna phlim, u kwah bha ia ka jaka ka ban ia hap dur bad ka khana jong katei ka phlim bad hadien ba la wad bad jied bun tylli ki jaka u la ibit eh ia ka nongbah Shillong na ka bynta ban ring pyndep ia katei ka phlim.
Ki lad khubor ki la ong ba ki la don bunbah ki daw ba la jied ban ak ia ka Rock on 2 ha nongbah Shillong bad kylleng ki jaka kane ka jylla bad katto katne tylli ki daw ba la jied ka dei namar ba kane ka jylla ka don ia ki lum ba jyrngam kiba itynnad , ki kshaid ki um kiba noh rymphum bad nalor nangta ba ka dei ruh ka jaka kaba la tip kum ka ktem bah jong ka rwai ka siaw bad ka put ka tem ha kaba ki briew jong kane ka jylla ki dei kiba sngewtynnad bha ha ka put ka tem.