Wan poi ka met iap u khynnah Pyrnai, na Bihar

Shillong,21 Naitung:
Ka met iap u Augustlang Binan, u khynnah 15 snem karta ba la iap ha ka bih jingbam ha Bihar, ka la wan poi ing mynta ka janmiet ka 21 tarik u Naitung bad la ioh jingtip ruh ba ia ka metiap utei u khynnah yn pyndep rukom lashai ka sngi ha ka shnong jong u ha Pyrnai, kaba don harum Pynursla.
Haba ia kren bad u Rupang u Bah Bar Khonglam u la iathuh ba ia utei u khynnah ba la iap, la phah ba un leit pule sha Bihar da ka ‘Lei Synshar Cultural Society’ Riwar Mihngi.
Kum ban shu pynkynmaw ba ha kane ka taiew ki la don haduh 22 ngut ki khynnah skul kiba la duh ei la ka jingim tang na ka daw ba ki la bam ia ki jingbam sngi ha kawei ka skul ha Bihar kaba dei ka skul sorkar ha ka shnong Dahrmasati Gandawan kaba hap hapoh ka Marhrakh Block bad kaba jngai kumba 25 kilomitar na Chhapra bad 60 kilomitar na Patna ha kaba la mih ruh ki jingkynnoh ba ka nonghikai jong katei ka skul ka la ber bih ha ki jingbam, kaba hadien la lap ba hakitei ki jingbam ki don kit dong niangbshiah. Ha katei ka jingjia ba sngewsih u Augustlang khun jong I kong B.binan bad I Bah Hobar Khongsdam na ka shnong Pyrnai u la ngat ha katei ka apot.