Wan poi I sim phylla ha ing briew ha Lumkshaid

Shillong,23 Jylliew: Mynta ka miet ha ka por 9 baje eiei iwei I sim phylla I la wan poi ha ka ing sah jong u bah M.R Alya (ba la khlad noh) kaba don ha Lum kshaid.Itei I sim I don ia ka rong lam jyrngam na thapniang bad na tdong, ka rong sawbthuh na khlieh, ka rong lieh na kpoh bad I don ia ka khmut kaba jrong bad kaba nep. Haba ia kren bad u bah Langdonbor Chyne uba shong ba sah ha katei ka iing u la ong ba u la iohi ia itei I sim ha ka por 9 baje eiei mynta miet bad u iohi ba I tyngkhuh shi tyng khuh ha tnum sem kali bad sa shiphang i leit tur pyntyngkhuh ha kynroh ing hapoh ing bad kumta hi u la shim bad u la buh bha noh ia tei I sim.
Haduh ba thoh ia kane ka khubor u bah Lang u la ong ba u buh hapoh mula ha ing jong u bad u tap da ka jaiñ namarba lada ym tap jaiñ I kynthih shane shatai bad tang shu tap jaiñ I shongkhop noh. U bah Lang u la ong ba la ithuh ba I dei I sim iba dang rit . U la iathuh ba u la pyrshang ban ai bam da u soh. Ha ka jingiakren bad utei u rangbah u la ong ba um tip kaei ka jingmut ba wan poi itei I sim phylla hynrei u la ong ba lah ban dei iba wan poi wir na kiwei pat ki jaka. Haba peit ia itei I sim la ithuh ba im dei I sim iba ju don ha kane ka jylla.