Wan phaii iing u Vice President barim ka KSU rHadien shi snem shiteng sha Bangladesh

Shillong, 31 Naitung:
U Vice President barim ka KSU u Bah FrederickKharmawphlang u la wan phai iing noh hadien shi snem shiteng ba lapyniasoh bad ka seng beain HNLC.
U Samla Kharmaw phlang u la iasoh bad ka HNLC ha ka 26 tarik Rym phang, 2014 ha ka por ba jur bha ka jingiakhih ban dawa pyntreikamia ka Inner Line Permit ha kane ka jylla.
U Bah Fredrick Kharmawphlang u la shah thung kum u Organizing badPolitical Secretary ka HNLC, u la wan pyndem noh hynne ka sngi ha kipulit ka nongbah. Ka jingwan pyndem noh u Bah Frederick Kharmawphlangka long kum ka jingjah thait ia ki pulit kiba la dukha mynsiem ha kineki sngi halor kane ka jingjia.
Ha kane ka jingwan pyndem jong u Bah Frederick Kharmawphlang, la donlang kiba haiing hasem, ki kmie kpa, ki nongialam ka KSU. 
Ha Bangladesh, u la sah ha shnong Khasi ha Putisara, kaba donmarkhap bad ka India.
U la phah jingtip sha ki pulit, bad sha ki kmie ki kpa jongu ba u laduh jing kyrmen bad sngewsih ia ka jinglong ki nongialam ka HNLC haBangladesh namar ba ki long ba khlem akor bad ki leh ia ki kam bamsapbad bym iahap satia da kaba pynlong langknia ia ki Khasi. U lasngewthuh ba ka HNLC kam don shuh ka lawei namar ka jinglong kinongialam bad u la rai ban wan phai biang sha Shillong ban aiti ialadehakhmat ka ain, la ong ka khubor pulit.
Ha utei u snem ha ka por ba leit pyniasoh u Bah Kharmawphlang badkaHNLC, ki nongialam ka KSU ki la ong ba ka daw ba kongsan kaba lapynlong ia u samla Kharmawphlang ban shim ia kane ka rai, ka longhadien ba ki nongialam jong  ka jylla kim don sur ban kren ia ka sur jong u paidbah trai jylla.Ka KSU ka la pynlong ia ka jingialang haduh saw kynta hadien ba la mihnoh u Bah Frederick Kharmawphlang na ka seng.Ha utei u snem, ka KSU bad 13 kiwei ki sengbhalang ki la pynlong ia ka jingiakhih ban dawa ia ka ILP ban khang lad ia ki nongwei bar jyllaban wan rung beain sha kane ka jylla.
U President ka KSU u Bah Daniel Khyriem u la ong ba, “Da ka mynsiem basngew khia, ka seng ka la pdiang bad burom ia ka rai jong u BahKharmawphlang uba dei uwei na ki nongialam ba satar ka seng”.Hynrei ha kajuh ka por, u Bah Khyriem u la ong ba ka jingkhang ka plieia u Bah Frederick Kharmawphlang ha kano kano ka por ba u kwah ban wanphai sha ka seng.
Ha ka shithi ba u iehnoh ia ka KSU, u Bah Kharmawphlang u la ong ba ula shim ia kane ka rai shimet da ka jingthmu ban phah ia ka khubor shaka sorkar jylla bad la donkam ban iada ia ki trai jylla na ka bor kibanabar.“Kum u nongialam ka seng samla pule, nga shem ba ka sorkar ba ialam daka Congress kam shym la lah ban iada ia ki trai shnong na ka jingwanbuhai ki briew ba nabar. Nga ngeit ba u snem 2014 u dei ka snem sainpyrthei bad nga kren kum uwei na ki langknia jong ka sorkar India wathadien 67 snem ba la ioh ia ka jinglaitluid”, la pynpaw u Bah Khar mawphlang ha ka shithi ba u ieh noh ia ka seng mynshem snem.
U Fredrick Kharmawphlang u dei u wei na ki samla kane ka nongbah Shillong na Lawjynriew, Nongthymmai uba dei ruh u Vice President barim ka KSU Central Body , u la leit ban pyniasoh bad ka seng HNLC ha u 2014 kaba dei ruh ka por ba dang thnam bha ka jingiakhih ILP.
U Rupang u la pyrshang ban iakren bad u kpa jong utei u samla, hynrei na ka liang ki ba ha iing hasem kim pat kwah ban kren eiei tang shi kyntien ruh ia mynta halor ka jingwan phai ing utei u samla.