Wan phai ki myllung Khasi, na ka jingkren poitri ha Bangkok

Shillong, 1 Naitung:
I Prof Streamlet Dkhar, Dr Anita Panda, Dr Bikika Laloo, Kong Mini mon Laloo, S. Sweety Diengdoh, Alfidarie Khar syntiew bad Ibilian Syn rem kiba dei ki myllung jong ka jaidbynriew Khasi, ki la wan ïa shim bynta sha ka 11th AIPC International Congress ba la pynlong ha Pataya bad Bangkok naduh ka 24-29 tarik u Jylliew 2013.
La ai ïa ka khusnam “The Blessed Juno” na bynta ka jingnoh synñiang bad ki kam pynroi ha ka thoh ka pule. La pyllait ïa ka kot U Raikut Revised edition ba la thoh da i Prof Streamlet Dkhar bad Lilting Melody ba la thoh da i kong M Laloo.
Ki la ïoh jingïaroh shibun na bynta ka “Shad Shoh Kba” “Shad Pliang” kiba dei ki kolshor jong ka jylla ha ka Embassy jong ka Ri India, Bangkok. U Ambassador jong ka Ri India sha Thailand, U Anil Wardhwa u la long u Kongsan jong kane ka jingïalang. La don ruh ka jingpyni ïa ki kolshor bapher jong ka Ri India, la don ka jingïapule poitri ryngkat ka jingïashim bynta lang jong kiwei pat ki myllung ba don ha Thailand.
Ïa ka nam “Miss Bangkok AIPC” la ïoh rah da i Miss Alfidarie Khar syntiew bad ïa ka nam “Miss Beauty with Brain” la rah da I Kong S. Sweety Diengdoh.