Wan phai biang U Ma Bamon sha ka seng Congress

Shillong: U Minister ba rim jong ka Meghalaya uba dei ruh u CEM barim jong ka Congress uba na Jaintia Hills District Council, U Ma E.C.B Bamon u la pyniasnoh biang  ialade bad ka seng barim jongu, kata ka Indian National Congress myn ha ka sngi palei ka 4 tarik Iaiong, 2019 ha Congress Bhawan, Shillong.

U Dr. Celestine Lyngdoh, u President  jong ka party u la pdiang sngewbha ia u ryngkat bad ka jingdon ryngkat lang jong u Bah James S.Lyngdoh, Bah Shitlang Pale, MLA bad kumjuh ki briew ba hakhmat jong kane ka seng.

U Dr.Celestine Lyngdoh uba dei u President jong ka MPCC, u kyrmen ba ka jingwan iasnoh kti biang ka jong u Bah E.C.B Bamon kan iarap ban pynkhlain shuh shuh ha ka Jylla bad kumjuh ha ka jaka jong u ha Jaintia Hills.