Wan kynduh ki saiantis ia u Dr.Boss

Shillong,8 Naitung:
U saiantis Dr. D.Vel murugan professor and Head Centre of Advanced Study in Crystallography and Biophysics University, Madras bad usaiantis Dr.A.Bhattacharjee Dept. of Biotechnology NEHU Shillong, ki la wan ban ia kyn duh ia u Dr.Boss L.Marthong ha Nongstoin ha ka 17 tarik u jylliew bad ki la ioh ban iasyllok bad u na ka bynta shibun kiei kiei ha kaba iadei bad ka jingsumar dawai kynbat na ka bynta ki jingpang ba shyrkhei bad ba eh ban pynkoit kum ka jingpang psoraisis,diabetes,asthma,cancer bad bun kiwei kiwei pat ki jait jingpang bapher bapher ba eh ban pynkoit.
Hadien ka jingiasyllok ba bniah bha u Dr.Boss L.Marthong uba dei ruh u dkhot ka Khasi Traditional Medicine Commission ba la thung da ka sorkar u la mynjur ban ia treilang bad ki saiantis ha kaba ia ki dawai kynbat ba bun jait kiba kin test lyngba ka chemical analysis of plants ban lap lut ia ki bor dawai baroh ba don ha ki kynbat dawai.
Hadien ba la dep test ia ki kynbat dawai ki saiantis kin sa ai ha u Dr.Boss L.Marthong ia ka kaiphod jong ki jingtest baroh kiba yn tip tang ki saiantis bad ma u ym bad kiwei kiwei pat.La ia soi ia ki kot ki sla kum ka jingiatrei lang naduh katei ka tarik bad ki la rah shibun ki dawai kynbat ba la ai da u Dr.Boss L.Marthong ban test ha University of Madras.