Da ka jingjop jong ka Liverpool hynnin ka miet ia ka Huddersfield Town, kumta ka Liverpool, ka la wan ha khmat duh ha ka jingialehkai jong ka English Premier League, da kaba ka ioh 91 point.
La ioh thep kol, na ka liang jong ka Liverpool, da U Nabi Keita ha ka shi minit jong ka jingialehkai, nangta sa U Sadio Mane ha ka minit kaba 23 bad kaba 66 bad U Mohammed Salah, ha ka minit kaba 45+1 bad kaba 83.
Ka Manchester City, mynta ka ioh 89 point bad ka wan ba ar ha ka jingiakhun ha ka League bad ka City, ka la pynliem ia ka Manchester United da 2-0, ha ka jingialehkai ha ka Sngi Balang, ha kaba la ioh thep ia ki kol, lyngba U Bernardo Silva ha ka minit kaba 54 bad nangta sa U Leroy Sane ha ka minit kaba 66.
Ka Tottenham Hotspur, ka wan ba lai, da kaba ka ioh 70, ka Chelsea ka wan ba saw, da kaba ka ioh 67 point.
Phi don ban ong eiei?