Wan ba ar ka Meghalaya, ha ka jinghiar ka jingkamai

Shillong:Hadien ba jylla Meghalaya, ka la wan hadien ka jylla Bihar kum ka jylla ba wan ba ar ha ka jingduk tam hapoh jong ka ri India, ka jylla Meghalaya ka la wan ba ar ruh lada kheiñ ia ka jingioh kamai jong uwei u briew hapoh jong ka ri india ha kaba ia dei bad ka rukom khein ia ka kamai ki briew ha ka shi snem.

Ka jylla Manipur ka dei ka jylla ba duna tam ka jing ka mai jong ki briew hapoh ka shi snem, wat la ka jingkhein ha kaba ia dei bad u snem 2022-23 la khlem pat ioh jingtip.

Katkum ka jingkhein ba la ai da ka Ministry jong ka Statis tics and program Imple mentation, ia ka jing kiew spah jong ka jylla Meghalaya la thew ha kaba iadei bad ka per capita Net state Domestic Product (NSDP) ha ka dor jong ka pisa jong u snem 2022-23 ka long tang 98,572. Ka jylla Meghalaya ha ki snem ba lah dep jong u 2020-21 ka jing don ka long 84,638 bad ha u snem 2021-22 pat ka long 90,638.

Ka jylla Meghalaya la tip kum ka jylla ba wan ba ar ha ka jing duk tam ha baroh kawei ka ri india, hynrei wat la katta ruh la iohi ia ka jing nang kiew jong ka jingioh jing kot ha kaba iadei bad ka jingkhein ba dang shu dep lum jingtip.
Ka jylla Manipur ka dei ka jylla ba hiar tam ka jingioh jingkot jong ki briew katba hapoh jong ka ri India, haba ia nujor bad ka jylla Meghalaya kaba wan baar bad ka jingkhein ia ka jing kamai jong ki briew ka neh kumjuh man ka snem.
Ka jylla Manipur ka jing ioh lum, ia ka kamai jong ki briew ha ka snem ba mynta 2022-23 ka long tang 65,336 tyngka, ha u snem 2020-21 ka long 56,679 tyngka bad ha u snem 2021-22 ka kiew sha ka 60,606 tyngka.

Ka jylla Telangana ka la wan kum ka jylla ba nyngkong eh na baroh ki jylla ba don hapoh jong ka ri india ha kaba iadei bad ka ioh ka kot bad ka kamai jong ki briew ha kaba ia dei bad u snem jingkheiñ jingdiah ba mynta u 2022-23.
Ka jylla Haryana ka la wan ha khmat duh ha kaba iadei bad ka jingkheiñ jingdiah jong ka jing ioh kamai jong ki briew ha kaba ha ka snem 2022-23 ka jing don ka long 1,81,961 tyngka, bud sa ka jylla Karnataka ha ka jingdon 1,76,383, bud sah ka jylla Tamilnadu 1,66,463.

Ka jingkheiñ jingdiah ha kaba iadei bad ka ioh ka kot jong ka jylla la pyndon kam ban thew ia ka jingim jingman jong ki briew bad ka koit ka khiah jong ka jylla.
Ka jingioh jingkot jong ka jylla la thew da ka jingioh kamai jong u briew ha ka shisnem, ia kane la ai jing khein da kaba ia phiah ia ka ia ka jingdon jingem jong ka jylla bad ka jingbun briew hapoh jong ka jylla.