Wan aiti uba thang ia ka longkmie ha Madanrting

Shillong, 16 Rymphang:
Uwei u rangbah ba la 35 snem ka rta u Willander Lamare, u la wan pyndem ha ki pulit halor ka jingkyn noh ba u donkti ban thang ia kawei ka longkmie ka Kong Anna Khongwar. U Lamare u dei uba sah ha Madanrting Block F u la wan pyndem ha ki pulit ha kane ka sngi Saitjain, la ong ka khubor na ki pulit.
U Lamare u la phet rieh hadien ba la leh ia katei ka kam runar pyrshah ia ka Kong Khongwar ha ka 9 tarik Rymphang. Kane ka longkmie ka sah ha 4th Mile Upper Shillong.
U Lamare lem bad u wei pat, ki la pyrshang ban pyniap ia ka Kong Khong war da kaba thang ha khlaw hajan ka ARC ha ka sngi u Blei ba la dep.
Kane ka longkmie ka la lait im da ka jingiohi jong u nongai dud. Ka jingmynsaw ka la long kumba 35 percent ha ka met bad ka dang shah sumar ha hospital. Ki pulit ki la rejister ia kane ka kam katkum ka kyndon 307 bad 34 ka IPC bad ka jingtohkit ia u Lamare ka dang iaid shakhmat.