Wad ki pulit ia U President ka KSU Ranikor, halor ka jing shoh ia uba lymbuit

Shillong: Ki pulit ka Jylla, ki dang thwet ia U President jong ka KSU Ranikor, uba dei uwei na kiba donkti ban shoh ia uwei u briew, u bym tip kyrteng satia, ha ka 3tarik Jylliew 2019.

Kat haduh mynta, la ioh kem tang ia uwei na kiba donkti bad ka jingthwet, ka dang iai bteng ia ki lai ngut kiwei pat, ong shuh ka khubor. La antad, ruh ba utei uba shah shoh, u dei u dkhar uba na Bangladesh, uba la wan rung sha katei ka shnong khappud.

Ha katei ka 3tarik, ki don 4ngut kiba shoh ia uwei u briew, uba lymbuit ha kawei ka phyllaw iing briew, ha kaba la antad, ba ka dei ka iing jong U MLA barim ba la khlad noh jong katei ka thain, U bah PK Raswai.