Vote na ka bynta I kong Julia Kurbah:MeFilMA

Shillong, 26 Naitung:
Ka Meghalaya Film Makers Association (MeFilMA) ka kitbok kit rwiang ia I Kong Julia Kur bah iba dei na Mawngap iba la leit ban iashim bynta ha ka jingiakob shad Dance India Dance. Na ka liang jong ka seng ka kyntu ia baroh ki para dkhot jong ka seng bad kumjuh ruh ia ki paidbah kiba ieit ban peit phlim Khasi bad kumjuh ruh kiba ju bang ban peit ia ki jingshad ba kin sngewbha ban ai ka jingkyrshan da kaba peit ia kane ka prokram bad vote ia i kong Julia Kurbah.
Ia kane ka prokram yn sa pyni lashai ka sngi 27tarik Naitung 2013 ha ka Zee TV bad ka seng ka kyrpad ia ki paidbah ba kin peit ia kane ka prokram bad kin peit ruh ia u code number na ka bynta ban vote ia ine i longkmie iba la leit iashim bynta ha kane ka jingiakob shad. Kane ka long katkum ka kyrwoh khubor ba la phah lyngba u President jong ka MeFilMA, bah Commander Shangpliang.