Shillong:Ha ka jingiakhun hynnin ka sngi hapdeng ka Meghalaya bad ka Services, ka Meghalaya ka la pyrshang kat lah kat iai ban ioh ia ka jingjop, hynrei ka duna sa tang 30 run pyrshah ia ka Service ha ka jingiakhun jong ka lympung Vijay Hazare Trophy ha Jaipur.
Ha ka jingkynting pisa, ka Meghalaya ka la jop ia ka toss bad jied ban ap bad kawang bol shwa, bad ka la lah ban pyrkhing ia ka service da 236/9 ha ki 50 over. Ha ka pali tied jong ka Meghalaya pat, ka kynhun ka la lah ban tied tang 207 bad liem lut baroh ki nongtied ha ki 48.3 over.
Ha kaba sdang ka Meghalaya ka la kawang bol bha bad ka lah ban pynkhyllem ia ki nongtied ka Service da lai ngut tang ha ka jingkamai kaba 20 run.
Napdeng kitei ki lai ngut ki nongtied kiba la hap, arngut ki la shah weng ha ka bol jong u Dippu Ch Sangma uba la ioh poin ha ka jinglehkai da 4/38 ha ki 10 over, katba uwei pat u la shah weng ha ka bol jong u Md Nafees uba la ioh poin da 3/48 ha ki 10 over.
Haba ka Service ka la kamai 120 run la iohi ba ka la hap haduh hynniew ngut ki nongtied ha shuwa ba ki nongtied kiba shadien kin lah ban pynneh ia ka jinglehkai da ka jingioh rung madan u AP Sharma uba la tied 61 run bad u PS Poonia 51 run, hynrei kine ruh ki la hap noh ha ka bol jong u Nafees.
Ha ka pali tied jong ka Meghalaya, ka kynhun ka la tied bha naduh kaba sdang katei ka kylla da ka jingtied bha u Raj Biswa u la ioh ban tied 21 run na ki 21 bol, katba u Nakul Verma 23 run na ki 21 bol. U Kishan pat u ioh ban thlieh 74 run na ki 89 bol kaba kynthup ia hynniew tylli ki 4. Ma u ha ryngkat ba u Tanmay Mishra uba la tied 52 run na ki 83 bol ki la lah ban iakamai 111 run na ka bynta u wicket uba saw
Da ka ajingiaineh kitei ki shijur ,ka Megha laya ka la kot ka jing kamai sha ka 162/3 bad sah sa tang 75 run ban ioh ia ka jingjop na ki 16 tylli ki over kiba dang sah. Hynrei hadien kane ka Meghalaya kam shym la shan slem haba u Poonia bad u Sharma ki la wan ban kawang bol naphang ia ki nongtied kiba sah jong ka Me ghalaya tad haduh ba ka Meghalaya kan hap lut ki nongtied jong ka tang ha ka jingkot ka jingkamai kaba tang 207 run.
Hadien katei ka jingialeh, ka Meghalaya ka dang ioh sa kawei ka lad ban pyneh daw ialade da ka jingiakhun pyrshah sa bad ka Manipur ka ban ialeh lashai ka sngi.
Phi don ban ong eiei?