Shillong, 3 Nohprah:
U khliehduh ka NCP u Sharad Pawar u la ur ha ka ingsah jong u hi bad u la mynsaw jur na ki bynta jong ka jat bad ka syngkai. Mar-mar la pynkit ia u Pawar da ka liangsuin kit nongpang mynta ka step sngi balang na Delhi sha Mumbai. U la poi ha ka jaka sangeh liengsuin rit ha Vile Parle ha ka por 11:20 baje mynstep.
La pynkit ia u Pawar sha Breach Candy Hospital ha Bhulabhai Desai Road , ha kaba la sumar wut wut khlem pynslem ia utei u heh duh ka NCP, la pynkit ia u da ka King Air B200 ambulance kaba don ryngkat ka kamra sumar briew hapoh jong ka. La iathuh ba hapoh lieng suin u Pawar u la ud pang katba dang iaid lynti ban pynpoi sha jaka sumar, ki lad khubor ki la iathuh ba ia ki kjat jong u la dep sop, hynrei ym pat lah pynthikna pat ia ki jingktah ka jingpang ha kiwei pat ki bynta ki met jong u, shen ki doktor ka Breach Candy kin shim rai hadien ba ki eksamin sa kaei de u Pawar u hap ban shah sumar.
Phi don ban ong eiei?