Umsnam ha Egypt, kiew kiba iap shaka 149ngut

Cairo,14 Nailar:
Ka Ri-Egypt ka dei ka ri kaba don hapdeng ka jingshong syier ha kine ki sngi, namar ba la mih ki jingkulmar bad ki jingiaum snam ha katei ka ri hapdeng ki nongkyrshan jong u President uba la shah pynkhyllem u Morsi . Ki la mih bun ki jingduh jingum bad ki jingpynduh ia ki jingdon jingem jong ki paidbah ha katei ka ri namar ka jingthombor jong ki nongkyrshan jongu Morsi. U President katei ka Ri u la pynjari ia katei ka ri, ba ka hap ha ka jingsynshar shipai.
U president Adly Mansour u la ia kren bad ki bor pahara naduh ki shipai ki pulit ban shim ia ki lad ki lynti ban wanrah ia ka jingshongsuk bad ban peit ba kan ym mih kano kano ka jingshah pynduh ki jingdon jingem jongki paidbah bad kan ym mih ka jingiapyniap jong ki paidbah nongshong shnong. Kitei ki jingjia ki la jia ha kylleng ka ri hadien ba ki pulit ki la leit ban tur bad pynpra ia ka jingialum lymbung ki paidbah, kiba kyrshah ia U Morsi ha Cairo.
Ka jingiap briew ha katei ka ri ka la poi sha ka 149 ngut, na katei ka jingiakynad mynta ka sngi bad ba ki don haduh 1,403 kiba la mynsaw na katei ka jing ia um snam mynta ka sngi. La ioh jingtip ruh ba U Vice President jong katei ka Ri, U Mohammed Al Baradei, ula hiar shuki noh mynta ka sngi.