Nongpoh: Myn sngi Palei, ki paidbah nongshong shnong ka shnong ka Ummat (II), ka shnong kaba hap hapoh ka Raid Nongtung ha Ri Bhoi, kaba don ha ki thain Block II, ki la iamih paidbah, na ka bynta ban pynpaw ia ka jingsngew khia bad pynpaw ia ka jingpyrshah kaba jur, halor ka jingshah thombor ha kiwei pat ki jaidbyn riew kiba sah ha katei ka thain bad kaba la iai jia na ka por sha ka por.
Lyngba katei ka jingialang paidbah, kaba la donlang ruh da ki nongialam ka HYC Ri Bhoi, la iohi naduh ki longkmie longkpa bad ki khun samla kynthei shynrang, ki la iamih paidbah ban iakren sani bha bad ban pynpaw pyrthei syndon ia ka jingshah thombor ka jong ki ha kiwei pat ki jaidbynriew.
Khyndiat haba batai halor katei ka shnong Ummat (II), ki riew rangbah jong katei ka shnong, ki la iathuh ba ka shnong Ummat (II), lah ruh ban ong ba ka la dei ka shnong kaba la rim bha hapoh ka Raid Nongtung bad kaba dei ruh ka shnong kaba long tynrai ia katei ka Raid, kaba ha ki por ba mynshwa ka dang hap ha Meghalaya, hynrei namar ka jingleh sting ka sorkar jylla ia ki shnong khappud, kaba la dei kawei na ki dawbah kaba la pynlong syndon ia ki paidbah ba kin iakynduh ia katei ka jingeh kaba khraw.
Na ka sur kaba la mih na ki nongialam shnong kaba kynthup ia u Bah Francis Lyngdoh, Rangbah shnong ka Ummat (II), u Bah Pitu Makri, Secretary lem bad kiwei ki riew rangbah jong katei ka shnong, ki la pynpaw ba kitei ki Khasi kiba sah ha katei ka shnong, ki la shah leh donbor shaba palat ha kiwei pat ki jaidbynriew, kiba iasah marjan bad katei ka shnong.
Ki nongialam shnong bad paidbah, ki la ong ba dei ki Khar Khali (Nepali), kiba la donkti hakhmat hakhmat eh ban leh ia kitei ki kam thombor ia ki Nongrep Khasi, namar kitei ki Nepali kiba sah ha katei ka thain, ki ju leit ban pynjulor ia ki jingthung jingtep jong ki Khasi, ia kaba ki la rep la riang ha katei ka thain.
Ha ka jingkren uwei hadien uwei pat hapdeng ki riew paidbah, ki la kren ba kitei ki Nepali lem bad kiwei pat ki jaid bynriew, ki ju leit ban pynjulor ia ki jingthung jingtep jong ki Khasi, kaba kynthup kum ia ki jaka rep Synsar, ki Sying lem bad kiwei pat ki jait jingthung.
Ha katei ka jingialang paidbah, kitei ki paidbah ki la pynpaw ia ka jingbitar kaba jur, namar ki don ki khep kaba ki Khasi ki leit ban thaw iing ha kiwei ki bynta ban marjan bad katei ka shnong, hynrei kitei kiwei pat ki jaid bynriew, ki ju leit ban pynpra bad don ruh kiba pynjulor da kaba thang syndon ia ka iing.
Kitei ki Nepali kiba sah ha katei ka thain, kim ju sngap ia ka jingkyrpad da ki Khasi, ha kaba ki iai pyni bor beit la jan man ka por pyrshah ia ki Khasi kiba sah ha katei ka shnong bad kitei ki Khasi kim ju nud ban saham ne ban kren pyrshah ei ei ruh em.
Haba bad katei ka jingleh donbor da kiwei pat ki jaidbynriew pyrshah ia ki Khasi, na ka liang ki nongialam ka HYC Ri Bhoi, kiba kynthup ia u Bah Hercules Suting, General Secretary, u Samla Tyngshain Makri, President ka HYC Bhoirymbong Circle, ki la pynpaw ia ka jingsngewkhia kaba jur bad pynrem ia kitei kiwei ki jaidbynriew, kiba la lehdonbor pyrshah ia ki Khasi.
Utei u nongialam ka HYC ha Ri Bhoi, u la ong ba ka daw kaba la pynlong ia kitei ki Khasi ba kin shah lehbein, ka dei namar ka jingbym shimkhia ka sorkar jylla ban pynbeit ia u pud u sam bad ruh ka jingleh kyllut da ka sorkar ia ki paidbah (Khasi) kiba sah ha khappud ka Meghalaya Assam. Ka seng hi kam lah ban peit lada ki paradoh parasnam ki shah lehbein ha kiwei pat ki jaidbynriew, namarkata ka seng kan sa shong pyrkhat bad ban shim ia ki sienjam pyrshah ia kitei kiwei pat ki jaidbynriew, kiba la lehbein ia ki Khasi, namar ka seng ka sngew ba ha ki jaka khappud ym dei ban lehtrai da mano mano ruh.
Ki paradoh parasnam khun Hynniewtrep jongngi ki shah thombor bad shah lehbein ha ki khar nepali bad kiwei kiwei pat ki jait bynriew bar jylla ha ki khap border assam, ngi pat hangne ngi ailad bad ai laitluid ia ki Khar nepali bad kiwei pat ki jaibynriew bar jylla ban shong bad trei hangne ha Ri Khasi jongngi. Ki pulit bad ka sorkar assam ruh ki pyndik bad pynshlur ia ki khar nepali bad kiwei pat ki jaitbynriew bar jylla ban thombor ia ki khasi jongngi. Te balei pat ka sorkar Meghalaya bad ki pulit jongngi ki sngap jarjar bad pyndem tdong.Lada ka jia shi jia kumne te ka la bha ia ki sengbhalang jongngi nangne na Ri Lum Khasi ban pynher krad noh ia ki khar nepali bad kiwei pat ki jaitbynriew bar jylla ba donkti ban thombor bad pynwit ia kine ki paradoh parasnam Hynniewtrep jongngi kiba shong basah hangne ha Ri Khasi jongi. Lada ngim pyni bor lane pynher krad ia kine ki khar nepali bad kine kiwei pat jait bynriew bar jylla kan ktah ym tang ia kine ki paradoh parasnam ba sah ha border hynrei kan ktah ia ka jait bynriew Hynniewtrep Hynniewskum jongngi hi baroh kawei. Te nga kyrpad ia baroh ki seng bhalang ba phin ia shim khia ia kane ka jingshah thombor kaba juh jia man ka por ia ki paradoh parasnam Khasi jongngi.Ngi hap ban klet noh ia ka sorkar bad pulit Meghalaya bad ban kyntu,iawer bad kyrpad iaphi ki seng bhalang ka jait bynriew Hynniewtrep Khasi jongngi ban leh bad sdang noh da ki kam khnang ba ka jiatbynriew Hynniewtrep jongngi kan nym shah tyllep ha ka eriong jong ki khyllah jait khar nepali bad kiwei pat ki bar jylla.
Khublei shibun
Im slem RI Khasi
Hynniewtrep Hynniewskum.