Ujor U Secretary ka Hima Nongspung ba shah shoh u Morlen

Shillong, 05 Naitung:
U Secretary ka Hima Nongspung u Bah Micheal Warjri  u la ujor sha special secretary ka tnad ain halor ka jingkynnoh ba uwei u briew na Assam ki la leit rung jubor ha shnong New Balakhawa Ri-Bhoi bad shoh dat ia u Morlen Marak.
Ha ka jingujor u Secretary ka Hima Nong spung u la kynnoh ba u Bishnu N Sangma ba na Barigaun ka South Kamrup district ka Assam lem bad u leit jubor ha shnong ha ka 30 tarik Jylliew por 10 baje mynstep bad u la shoh la dat ia u Morlen Marak na ka kjat kamon bad na kti kamon haduh ba u la mynsaw jur. Ha ka jingujor, la ong ba ka daw ka jingshah shoh ha jingujor ba utei u Bishnu u la shah ujor ha ka Hima halor ka jingdonkti jongu ban wan dakhol jaka beain ha katei ka shnong.
Halor kane, u Secretary ka Hima Nongspung u la kyntu ia ka ain ba kan kem ia utei u Bishnu bad ban ai ia ka jingpynshitom katkum ka ain. La kyntu ruh ba dei ban pynmih ia ka hukum ba utei u Bishnu um bit shuh ban wan rung  ha ka shnong New Balakhawa katba ym pat rai dep ia ki kam.