Ujor U MLA Mawlai sha ka myntri, ba kiew dor ki sawkhmut

Shillong,13 Nailar:
U Bah Embhahlang B. Syiemlieh, MLA ka Mawlai Constituency, mynta ka sngi la leit ban ia kren ryngkat ki jing thoh ia ka Dr.M. Ampa reen Lyngdoh, Myntri ka tnat Pynroi Sor halor ka jingkyntiew syndet ia ka bai shong kali JNNURM naduh ka 1 tarik mynta u bnai da ka Meghalaya Urban Development Authority (MUDA), kata ia ki Bos sawkhmut heh bad ki sawkhmut rit kiba kyn thup ia ki Shillong Public Transport Service (SP TS), Shillong Special Public Transport Service (SSPTS) bad ki Shillong Suplementary Transport Service (SSTS).
Hadien ba la mih na kamra treikam jong katei ka myntri sorkar u bah Embhah u la ong “I Kong Ampareen i la pyntip ia ngi ba ka MUDA kan sa shong ia ka Review Committee ha ka 26 tarik mynta u bnai ban bishar biang halor ka jingkyn tiew ia ka bai shong kali JNNUM,” ong u Bah Embhahlang B. Syiemlieh, MLA ka Mawlai Constituency haba kren sha ki nongthoh khubor hadien ka jingiakynduh ia ka Kong Ampareen ba la synran lang da u Bah Hamlet Dohling, dkhot ka UDP, Youth Wing.
Ha katei ka jingiakynduh u bah Embhah u la ai jingmut ruh ia ka myntri ba nangne shakhmat ym dei shuh ban shim bai kali na ki khynnah skul, u la ong ba ka la dei ban ai noh ia ki da ka kynja card ban ithuh ba ki dei ki khynnah skul , bad dei ban pyllait bai kali ia ki. Ha ka dorkhas, une u Nongmihkhmat ka Mawlai u la pynpaw ruh ba kane ka jingkyntiew ia ka bai shong kali JNNURM kam iapher shuh na ka bai kali ba la ohdor da ki Taxi kamai bad ki Bos ba la pyniaid da ki riewshimet.
Ha kajuh ka por, u Bah Embhah u la iathuh ba u la ujor ruh ha ka Myntri halor ka jingtuid ki nuit bad ki jaboh na Marten, Mawlai Mawiong sha surok Lynti Rim bad kumjuh sha surok National Highway-40. U la ong ba katei ka jingtuid jaboh ka lah ban wanrah ia ka jingbym khuid ha ka shnong ka thaw, u la ai jingmut ruh ba dei ban buh sa kiwei pat ki jaka bret jaboh khamtam lei lei ba ka jaka ot doh kaba ka sorkar ka shna mynta ka don marjan bad katei ka jaka bret jaboh , kaba lah ban pynmih ki jingsma iwtung kiba lah ruh ban ktah ia ki paidbah kiba bam ia kitei ki doh.