Ujor U DC Tura, ba wer ia ki Muslim ban vote ia uwei u kandidet

Tura: U Shri Ram Singh, IAS, Returning Officer, 2-Tura Parliamentary Constituency (WGH) u la ujor ba ka don ka post kaba ha facebook kaba iadei bad ka jingleh da uwei u briew uba kyrteng u Kairul Islam ban pynmih ia ki nongthep vote kiba dei ki Muslim jong ka ri lum Garo ba kin vote ia uwei u candidate uba ki mon ha ka por elekshon. Ka screen shot jong kane ka post ha facebook la dep post biang da u Greaterborn A’gitok ha ka page jong u ha Facebook “The Times of Garo Hills” bad kane ka juh la pynsaphriang kylleng ki jaka lyngba ka Whatsapp. Kane ka post kaba la saphriang kylleng ha ka social media ka lah ban wanrah jingkulmar ha baroh artylli ki jaka kata hapoh kane ka jaka bad kumjuh ruh shabar, bad ka lah ruh ban ktah ia ka shongsuk jong ka imlang sahlang bad ka ain ka kanun ha kane ka por elekshon ha kane ka jaka.