Ujor sainar shiah ka CCIB

Shillong: U Secretary ka Co-ordination committee on International Border kaba don ia ka Headquarter ha Dawki u la phah ka shithi sha ka Deputy Commissioner jong ka East Khasi Hills District ban pyntip ba ka la don ka jingpyntrei thymmai ia ka Indo-Bangladesh Border Fencing hapoh ka Raid Lyting, kaba dang dei hapoh ka District East Khasi Hills kaba la sdang naduh ki 3-4 sngi kiba la dep.

Ha kaba iadei bad kane u Sordar ka Raid Lyting u la phah ka shithi objection pyrshah ia ka jingpyntrei beain ia kane ka Fencing kaba long pyrshah ia ka mon u paidbah bad ki trai jaka jong kane ka Raid.

Shuh shuh halor kane la ioh jingtip ba u Syiem ka Hima Khyrim ruh ym shym la ai kano kano ka No Objection Certificate ban pyntrei ka kane ka kam. Lyngba kane ka shithi u Secretary ka Co-ordination committee on International Border u kyrpad sha ka Deputy Commissioner East Khasi Hills ban wan ban khmih mar met ia kane ka jingpyntrei beain ia kane ka kam bad ban pynsangeh mar dor ia ka khnang ban lait na kino kino ki ia kajia bad ban pynbeit ia kine ki kynrum kynram.