Ujor MHIS ka BJP sha u myntri

Shillong, 3 Jylliew:
Ha kine ki khyndiat sngi ba la dep ngi la iohi ha ki kot khubor ba bun na ki paidbah ki la shah shet ha ka MHIS ha kaba ki Hospital kiba ki thiah pang kim shym la pdiang ia ki jingsiew jong ki lyngba ka Card ba ka tnad ka koit ka khiah ka jylla ki la ai ia ki na ka bynta ka ba kin ioh ia ka jingsumar ei kaba haduhT.1.60 lak tyngka .
Halor katei ka jing shah shet ki paidbah, ha katei ka skhim sumar ei, ka BJP ka la phah ia ka shithi jong ka sha u Myntri ka koit ka khiah ka jylla u Bah A.L Hek ban pynsngew ha u ia ka jingsngewkhia ka seng da kaba kyntu ruh ia u ba u dei ban shim khia ban kham pynbeit stet ia katei ka kam kaba ka sorkar ka la thmu ban pynsuk ia u paidbah phewse ka long pynban kumba nang pynjynjar shuh ba kiba pli ha ka jingkyrmen ia ka skhim ba kin ioh jingsumar ei ha ka jaka ba kin leit phah sumar sha Civil da ka jingsngewthuh bakla ki la tur sha ki hospital Private ruh.