Dawki: Ki nongkhaïi ha Dawki khamtam ki nongkhaïi dewiong bad mawshun (Exporter) kiba shalan sha Ri Bangladesh haden ka jingshong pyrkhat ka jongki,ki dawa na ka sorkar ba kan weng noh ia u bah Heipor Passah Inspector Directorate of Mineral Resources D.M.R. Dawki Check Gate, namar ba um shim khia ia la ka jong ka kam, namar ba bunsien ka shuki ka jong u ka thylli bad ka jingbym don jong u ha ka jaka trei ka jong u ka pyndkoh ia ka khaïi pateng na india sha Bangladesh bad ka wan rah ruh ka jingduhnong ia ka sorkar.
Ka shuki u bah Heipor Passah Inspector DMR Dawki Check Gate kaba thylli myn ha ka 20 tarik Kyllalyngkot.
U bah Fendry Khonglah u wei naki Exporter u la kynnoh ba u bah Heipor Passah Inspector DMR Dawki Check Gate um don ha la ka jaka trei bad um nangruh ban trei ia la ka kam, namar kumba u lap da lade ha kane ka sngi 20 tarik u bah Passah u phah ot challan ia ki kali kiba thmu ban leit pynhap dewiong sha Bangladeh ha por 5 baje bad kaba pyn lynngoh pat ia ki ka long ba ia ka hukum, u la ioh naduh ka 18 tarik ban ot challan ia ki trok kit dewiong khnang ba kin ioh ban leit pynhap ia u dewiong jong ki sha Bangladesh, hynrei u phah ot challan pat dang ha ka janmied jong ka 20 tarik kaba dei ruh ka sngi U Blei, u da ong kane ka dei ka jing bym burom ka jong u iala ka kam bad ia ki wei ruh da kaba u pha ia ki ban wan da ka sngi u Blei.
U bah D Khonglah Adviser Foreign Trade Chamber of Commerce Meghalaya u ruh u la pynrem ia kane ka jingleh jong u bah Heipor Passah Inspector DMR Dawki Check Gate, kaba pynthut iaka khaïi ka pateng u ruh u la ong baha ka 21 tarik Kyllalyngkot ruh u bah Passah um don haka jaka trei ka jong u ka jing bymdon ka jong u kum u ophisar ba dei peit ia ki challan jong ki kali kiba dei ban leit pynhap mar sha Bangladesh ka wanrah ka jing sahkut ki kali ha kane ka sngi baroh shisngi bad ruh ka wanrah ka jingduhnong ia ka sorkar.
Na ka liang jong ki kynthup iaki nong khaïi kiba don hakane ka kad Khaïi ha Dawki Tamabil ki dawa na ka sorkar ba kan pynkynriah kam noh ia kum kine ki briew ki bym shimkhia ia la ka jong ka kam namar kajing bymshimkhia jong ki ban wantrei ka pynthut ia ka khaïi ka pateng bad ka wanrah ka jingduh nong ia ka sorkar Jylla.