Ujor ki nongdie madan ia ka Municipal

Shillong, 6 Lber:
U Shri Mumtaz Ali u la ujor sha ki pulit ba ki bor Municipal ha ryngkat ka jingdonlang ki pulit ki la kurup ia ki mar die jong u ba kynthup ia ki biskit bad kiwei pat ki jait jingbam kiba u ju die hajan ka Lady Hydari Park, Shillong hynrei kim shym la ai pat ia ka slip ban pyni ia ki mar ba ki kurup bad kim shym la pynphai ruh ia ki mar.
Ka Nirmala T Sangma pat ka la ujor ba naduh u naitung, 2016 ki bor Municipal ryngkat ki Majistor, ki pulit ki la kurup ia ki mar jong ka katba ka dang shong die hajan PWD Rest House, Lady Hydari Park, Shillong bad ym shym la ai jingthoh ban pyni ia ki mar ba la kurup bad ym shym la pynphai shuh ia ki. Ka Chamakala Chettri pat ka la ujor ba naduh u snem 2014 la knieh ia ki mar jong ka ba shongdor T.3000 tyngka najan Lady Hydari Park bad ym shym la ai jingthoh bad ym shym la pynphai shuh ia ki mar.