Ujor karkhana dieng ka HANM

Shillong, 6 ‘lyngkot:
Ka seng Hynniewtrep Achick National Movement (HANM), North West Khasi Hills District, ka dawa ia U Secretary Khatsawphra Land & Forest Owner Association (K.L.F.O.A) ban pynkynriah noh ia ka karkhana ot dieng, kaba don ha ka shnong Sangshang, ha lynti ban leit sha Mairang CHC, namar ba ka pynthut ia ka leit ka wan bad kumjuh ia ki nongpang kiba thiah pang ha katei ka Hospital, ha ka por mynmiet.
La ong da ka seng, ba kiba trei ha ka CHC Mairang, ki sngew jynjar shi katdei, halor ka jingpynthut jong katei ka karkhana ot dieng, haba ka HANM,ka leit jurip ia ka Hospital, ha ka 1tarik Nailar 2013.
Ka seng ka kwah namarkata, ban pynkynriah ia katei ka karkhana ot dieng sha katei pat ka jaka, ban nym pynwit ia ka bha ka miat uba bun balang.