Ujor ka UDP ia ka BSNL bym kheiñsnep ia ka Good Friday

Shillong,23 Lber:
U General Secretary ka UDP Youth Wing u bah Hamlet Dohling u la thoh sha u Chief General Manager NE -1 Circle ka BSNL Shillong namar ka jingpynbna jong u kaba u la pynmih ha ka 22 tarik u Lber ba ka BSNL kan pyn biang kyrhai ki jingdon kam ki paidbah ha ki sngi shuti kata naduh ka 24 haduh ka 27 tarik mynta u bnai.
U bah Hamlet ha katei ka jingthoh u la ong ba ka BSNL ka la pynbna ha ki thup sngi shuti jong ka ba ka 24 tarik kan dei ka sngi shuti Holi katba 25 pat kan dei ka sngi shuti Good Friday hynrei katei ka jingpynmih jingpynbna jong ka ha ka 22 tarik ka ia tyngkhuh pynban bad ki sngi pynbna shuti jong ka.
U bah Hamlet ha katei ka jingthoh u la ong ba katei ka jingleh ka BSNL ka pyni ba kam kheiñ snep ia ki jingngeit niam jong ki paidbah bad kam shym burom ruh ia ka jingngeit jong ki. U lakynthoh ruh ba kane ka jylla ka dei ka jylla ba bun ki kristan bad kiba bun ki nongtrei jong ka BSNL ruh ki dei ki kristan hynrei da katei ka jingpynbna jong kan khanglad ia ki ha ka kam mane blei. Ubah Hamlet u ladawa na katei ka kompeni ba ka dei ban weng noh ia kitei ki jingpynbna jong ka namarba kan ktah ia ki nongtrei.