Ujor ka MSWC ia u lok shoh lok

Shillong, 15 Iaiong:
Ka Meghalaya State Women Commission (MSWC) ka la ujor ha ki pulit pyrshah ia u  Sron ding Lyngkhoi uba dei lok ka kong Joshna Nongsiej halor ka jingleh tohmet ia ka ha iing sah ha Shrah perding Mawsikar kaba don ha West Khasi Hills.
Ka Member Secretary ka Meghalaya State Women Commission, ka la ujor ha ki pulit ha ka 20 tarik Lber ba u  Sronding Lyngkhoi u lok ka kong Joshna Nongsiej u la leh tohmet ia ka bad kynnoh ruh ba la thang ia ka iing jongka.
Hadien ba la shah kyntait ban iarap ha ka shnong bad ka seng bhalang, katei ka longkmie na West Khasi Hills ka la pan jingiarap noh na ka Meghalaya State Women’s Commission (MSWC)  halor kane ka jingeh jongka. Ka Kong Nongsiej ka la kynnoh ba u lok jongka u la leh tohmet haduh ba ka hap khun bad ka la rai ban phet noh ban lait na kti jongu.