Ujor ka MCTOOA sha u CS

Shillong, 2 Nailur:
Ka Meghalaya Commercial Truck Owners & Operators Association (MCTOOA) ka la ujor sha u chief Secretary ka jylla bad kumjuh ruh sha u Deputy Commissioner ka Ri-Bhoi district ba ka la don ka kynhun ki briew kiba la tip ha ka kyrteng jong ka Joint Action Committee Umbir-Umsaw Khwan Area ki la pynwit ia ka iaid ka ieng ki kali kynthup ki trok kiba iaid lyngba ka surok Umbir –Umsaw Khwan.
Ha katei ka jingthoh kaba la soi da u President jong katei ka seng u bah Augustine Shanpru, ka la kdew sha kitei ki bor bahalor ba katei ka surok ka dei kaba peit da ka tnad PWD ia ka bit ka biang jong ka bad ki la kyrpad ban pyllait ia ki na kitei ki jingeh bad ki jingshah leh be-aiñ.