Ujor ka longkmie, ba shah pynduh bor ilektrik bad skhim 100 sngi

Shillong:Ka longkmie na ka shnong Nongwar Khlieh Shnong, kaba hap hapoh ka Shella constituency, ka la wan ban pynpaw ia ka jingleh donbor jong ka Dorbar Shnong, da kaba ka la kam ba ki nongpyniaid shnong ki la pynjot ia ka jaka rep jong ka ban shna ia ka surok.

Haba iakren bad ki lad pathai khubor, na ka liang ka kong Presmity Wanshong ka la kynnoh ba ka Dorbar Shnong ka la knieh jubor ia ka jaka jong ka ban shna ia ka surok ban iaid lyngba sha ka tourist viewpoint ha katei ka thain.

Ka kong Wan shong, ka ladep ban ujor da ka ejahar ha ha Sohra police station, halor kane ka jingleh dorbor ki bor shnong; hynrei ka la kynnoh ba mynta ki bor shnong ki la byrngem byrsit ia ka, ba kan ieh noh ia kane ka jaka.

Ka kong Wanshong, ka la kam ruh ba u Rangbah Shnong, u bah Kedion Diengdoh, u la kyntait ban ai ia ka syrnot no-objection certificate (NOC) naduh u snem 2016 ban ioh ban ring ia ka bor electrict sha ka ing jong ka bad ki kyntait ruh ban ai ia ka syrnot shong shnong bad ka ing ka sem jong ka kam ju ioh ia ki skim ba ioh na ka sorkar, kynthup ia ka kam 100 sngi na ka skim national rural employment scheme (MGNREGS).