Ujor ka Ladrymbai dongwah ia u Dolloi

Jowai, 19 Jylliew:
Ka Dorbar Shnong jong ka Ladrymbai dongwah ka la ujor pyrshah ia u Dolloi ka Elaka Rymbai u ma Elios Swer halor ka jingkyntait jong u ban pdiang ia ka kam thung Acting Waheh Shnong ha katei ka shnong.
Ha ka jingujor kaba la ujor sha ophis ka JHADC, la ong ba ka bor shnong ka la pyntip sha u Dolloi ba ka la thung ia u Rangbah Shnong ba shipor jong katei ka shnong na ka bynta ban peit ia ka bha ka miat hapoh shnong tad haduh ban da ioh ia u rangbah shnong ba pura.
Hynrei na kaliang u Dolloi u la kyntait ia katei ka rai jong ka Committee jong ka Shnong Ladrymbai Dongwah bad halor kane ka la ujor noh pyrshah ia u Dolloi sha ka JHADC bad ka la kyntu ruh ba dei ban pynshitom ia utei u Dolloi. Kane ka long katkum ka khubor kaba la pyllait da u Marshal Biam.