Ujor ka KSU Namdong, ba dkoh trei kam ka PHC

Shillong: Myn hynnin ka sngi, ka KSU Namdong, ha ka jing ialam jong u President ka unit u samla Chanbor war bad u General secretary u samla Juhhi Tariang, ki la leit ban ia kynduh ia U District Medical & Health Officer, West jaintia hills Jowai halor ki jing dkoh trei kam jong ka Namdong PHC.

Ha katei ka jingleit la dawa sa iwei i doktor, namar ba tang marwei im lah ban shakri namar ki jingbun ki nongpang ha kane ka thaiñ bad sa kawei la kyrpad ia u DM&HO ban tuklar lem halor ki jing shakri jong ki staff nurse ia ki paidbah bad na ka liang jong u DM&HO u la iathuh, ba la don ka sanction post na ka bynta ki doktor ha kane ka PHC bad naka liang ka seng ka la dawa ba ki nongtrei jong ka Namdong PHC ba kin dei ban bud ryntih ia ka kamram jong ki kum ki nongsumar ia ki nongpang jong kane ka thaiñ, bad ban burom ruh ia ka por jingki nongpang kiba wan ban shah sumar hapoh kane PHC bad kumjuh ruh na ka bynta u nongai dawai u dei ban don hapoh ka PHC katba ka dang dei ka por trei jong u.