Ujor ka KSU ia ki bar jylla khlem Permit

Mawryngkneng, 23 Iaiong:
Ka KSU Mawryng-kneng Circle hadien ba ka la ioh jingtip ba thikna ia ka jingdon ki bar jylla kiba khlem kot sla bad khlem Work permit kiba wan ban trei ha Maw-pdang Mawkhanu Toll gate, ka la pyntip bad ai jingthoh sha ka Labour Inspector ka Mawryng-kneng C&RD Block ban pynlong ka jing talasi ia katei ka Toll gate bad hadien khyndiat sngi ka la ioh jingtip ba ki bar jylla ba trei ha katei ka Toll gate ki la nangbun.
Ha ka sngi saitjain katei ka seng hapoh ka jingialam u Samla Reallystar Nongspung President KSU Mawryngkneng Circle, Raymond Kharjana Environment &Cultural Secretary KSU Shillong mihngi Circle bad ha ka jing iadon ryngkat u samla Vincent Makri KSU Central Body kum u Incharge ia ka KSU Eastern Central Unit ka seng ka la leit ban hiar ban jurip bad ban khynra Work permit bad la lap ba katei ka Company ka la pyntrei da ki bar jylla kiba khlem kot khlem sla bad ba la pynkhein ruh ia ka Ain kaba tip kum ka Meghalaya Inter State Workmen (Regulation of Employment and Condition of Service (Amendment) Rules 2011. Ka KSU ka la leit ban ujor da ka ejahar ha Mawdiang diang Police Out post pyrshah ia katei ka Company bad dawa pynshitom ruh katkum ka Ain.