Ujor ka KSU ban tei basa hajan NEIGHRIMS

Shillong, 7 Lber:
Ka Khasi Students Union (KSU), ka la phah ia ka jingujor sha U Bah Ronnie V. Lyngdoh, myntri ka tnat pynroi sor, halor ka jingthmu jong katei ka tnat ban ai jaka sah pyngngad ia kiwei ki ophis sorkar jong kiwei pat ki Jylla kiba nabar bad la ong ba ha ka jaka ban ai jaka ia kitei ki sorkar Jylla, la dei ban ai jaka sah ia kiba ha iing jong ki nongpang, kiba shong ba sah ha katei ka Hospital.
Ka KSU, ka shim, ba katei ka jingleh jong ka MUDA, ka dei kaba long pyrshah paidbah bad kaba pyrshah ia ki duk ki rangli, kiba la shaniah bad aiti ia kane ka sorkar, ba kan synshar ha ka Jylla, ha ki saw snem ba ladep.