Ujor ka KSU, ba thut ka bording sha Namdong

Shillong: Myn hynnin ka sngi, ka KSU Namdong Unit ha ka jingialam jong u President ka Unit u Samla Chanbor War bad u President ka Nartiang Unit u Samla Rangbah u Habanjop Raliang, ki la leit ia kynduh ia u Superiten dent Engineer ka Meghalaya Energy Cooperation Limited West Jaiñtia Hills District Jowai, ha kaba ki la kyrpad ban buh ia ka 33KV Sub-Station ha ka thaiñ Namdong West Jaiñtia hills.

Ha kane ka jing ia kren ka Seng ka la pynsngew ia ka jing sngewdiaw halor kane ka jing iakynduh jingeh jong ki paidbah ka thaiñ na ka jing duh bording ba khah khah bad jing duna bording, nalor ba ka Nartiang Sub-Station kam lah ban kit, naduh ki thaiñ Namdong terter shaduh thain border.

Na ka liang U S.E u la iathuh ba ka la don ka jing tyrwa, na ka bynta kane ka Sub-Station bad ka dang sahteng haduh mynta bad ka Seng kan iai buddien halor kane. Ka Seng ka kyrpad ia ki bor ba halor kiba dei peit ia kane ba kin sngewbha ban iarap lem ban pynurlong ia kane ka jingthrang jong ki paidbah ka thaiñ jong ngi kiba dang sahdien hajan baroh ki liang, ong ka kyrwoh na u General Secretary KSU Namdong Unit u samla Juhhi Tariang.