Shillong: Ka Khasi Students’ Union Jaintia Hills District hapoh ka jingialam jong u Samla Justice Paul Lyngdoh Education Secretart ha ryngkat ka jingiadonlang ki Nongialam ka District, ki la leit ia kynduh ia u Principal ka JNV Mukhla, ha ka 30tarik Lber 2019, hadien ba ka lah ioh ka jingujor na ki katto katne ki khynnah pule hangtei ba don ka jingshim klas ha ki Sngi U Blei. U Principal jong katei ka skul, u iathuh ba kam don satia kum kata, ka jingphah wan ia ki khynnah ha ka sngi u Blei bad la iathuh ba kiba kwah wan ki lah ban wan hynrei ki bym kwah wan ka shong ha ki. Ka Seng ruh ka la dawa na u Principal ban pynrung shuh shuh khambun ia ki khynnah Khasi ha katei ka jaka pule, namar ba don ki khynnah kiba shah pynduh jaka ha katei ka skul, ong ka kyrwoh na U Publicity Secretary Samla Laitphar Syngkrem.
Phi don ban ong eiei?