Ujor ka KSU, ba duna um ha hostel ki khynnah JNV

Shillong:Ka KSU EJHDU, hadien ba la ioh ujor na ki ba bun ki kmie ki kpa ki khynnah skul ba sah hostel ha JNV Rymbai, halor ka jingbym biang ka um khamtam ha hostel kynthei da ki sngi, kumta ka seng ka la kynduh ia u Principal jong kane ka skul halor kane ka jingeh hynnin ka sngi.

Haba kren bad u principal u la ai daw ba ka jingbym biang um ka dei ba lip light ha ki sngi ba la leit bad ia ka um lah shu hap thied, hynrei wat la katta ruh ka dang buh jingeh hi ia ki khynnah ba sah hostel khamtam ha ka jingdon kam jong ki man ka sngi. Ka seng haba iakren ka kyntu ia ki nongpeit ka skul ba kane ka jingeh kam dei shuh ban dang mad ki khynnah skul ha ki sngi ban wan. Haba ka hostel lah buh ka mut ba ki jingdon kam jong ki khynnah kim dei ban duna khamtam ha ka um. Ka seng ka la pyn sngew ruh ia kane ka mat ha u DC uba dei u chairman jong ka Vidyala Management Committee (VM C) ban tuklar lem halor kane ka bynta.