Ujor ka kong Agnes, ba shah thok ki samla pule

Shillong,7 jylliew:
Ka kong Agnes Kharshiing, President ka CSWO ka la ujor sha ki pulit ka SadarPolice Station pyrshah ia ka ki bor pyniaid jong ka Minerba Educational and Welfare Society kaba don ha 232, Mahishbhatan, Section V, Salt Lake City, Kolkata (WB) bad ka la ong ba katei ka Minerba Institute of Medical Technology ka la ia soi ia ka jingiateh kular bad u Director of Employment and Craftsmen Training (DECT), Labour Department, ka sorkar jylla ha ka 5 tarik u naiwieng, 2015 ba kan ai jinghikai pyntbit ia ki samla pule da kaba kular ban ai kam ruh ia ki ha ka kam nos bad ki kam ba ia dei bad ka jaka sumar bad kan seng ruh ia ki jaka ia jinghikai bad ban pynlong ia ki prokram ai jinghikai. Ha katei ka jing iateh bad ka sorkar jylla ka kong Agnes ka la ong ba ki samla na kilonging kiba duk khamtam na ki thain nongkyndong ki la leit sha katei ka jinghikai kaba kim donkam ban siew pisa eiei ban shah hikai ha kikam bapher bapher.
Hynrei ka la ong ba 2 ngut ki samla pule na kane ka jylla ki la pyntip ba katei ka Minerba Educational and Welfare Society kam shym la pynphai shuh ia ki kot ki sla ( original) jong ki, ki la pyntip ba don bunbah ki jingduna ha ka jaka ai jinghikai naduh ki laboratory bad kumjuh ruh ki kamra klas, ka jingpynlong klas ruh kam long tista bad la ai lypa ruh ki jingkylli shisngi shuwa ban pynlong eksamin sha kito ki samla pule kiba la wan shah hikai kham ha shuwa. Ka kong Agnes ka la dawa ba ki pulit ki dei ban tohkit khnang ban pynshisha la katei ka jaka ai jinghikai ka dei kaba la ioh jingmynjur ne-em na ka All India Council for Technical Education ba kan long kum ka jaka ai jinghikai.