Ujor ka kmie, ba shah dung u khun

Jowai, 11 Jymmang:
Kawei ka kong kaba la tip kyrteng kum ka kong Edel Trodis Dhar kaba na ka shnong Mynsngat ka la ujor sha ki pulit Nartiang, West Jaintia HIlla bad ha ka 7 tarik une u bnai ha ka por 7 baje mynmiet, uwei u briew uba la tip kyrteng kum u Elias Biam uba dei na ka juh ka shnong u la dung ia u khun jong ka, u Herles Dhar da ka tari haduh ba la mynsaw jur bad la pynkit ia u sha Dr. Norman Tunnel Hospital na ka bynta ban ioh jingsumar.
Ki pulit kim pat ioh kem ia utei u runar ba la dung ia utei u khun katei ka kong.
Ha kawei pat ka jingjia u ma Deibor Suiam na ka shnong Pdeiniadaw u la ujor ba ha ka 3 tarik une u bnai ha ka por 10 baje mynmiet uwei u briew uba la tip kyrteng kum u Mas Manner u la maham siat iap ia u da ka sulor ha ka jaka madan ialehkai ka shnong Pdeiniadaw, West Jaintia Hills.