Ujor ka Juhi Chawla, ha kashari, ban khang ia ka internet 5G

Ka Juhi Chawla, ka aktress ba pawnam jong ka India, mynta ka sngi, ka la ujor pyrshah ha ka Delhi High Court, ban pyn trei kam ia ka 5G wireless network, ha kaba ka ong, ba katei ka network, kan pynsniew ia ka koit ka khiah jong ki briew, ia ki mrad, ia ki syntiew bad ki jingthung jingtep ruh.

Ka Chawla, ka ong ba lada katei ka 5G, kan trei kam, kumta u briew, u mrad, ki sim ki doh bad ki khniang kin nym lait na ka jingshah ktah, kaba 24 kynta shi sngi, 365 sngi shem bad ka jingshah ktah, kan long ha ka level RF radiation kaba 10x sha 100x shah, na kaba ju long mynta.

Katei ka network 5G, kan ktah jur ia ka jingim briew, nangta kan ktah ruh ia ka jinglong jingman jong ka mariang hi baroh kawei, ong ka Juhi Chawla.