Ujor ka JADC sha u myntri ba sniew surok

Shillong, 1 Rymphang:
Ka Joint Action & Demand Committee (JADC) hapoh ka jingialam u Bah Kyllang Thongni kum u Chairman bad u bah BL Nongum, Secretary ki la leit ban iakynduh ia u MM Danggo, Myntri ka tnad surok (PWD-Roads) ka sorkar jylla ban ujor namar ka jingsniew palat ka surok naduh Tlongpleng haduh Balat kaba hap ha Mawsynram Division.
U bah Kyllang Thongi u la ong ba ka jingsniew katei ka surok ka la long shaba plat bad u myntri ka tnad PWD u dei ban kham sngewthuh bha namarba u ju iaid na katei ka lynti borabor. U la ong ruh ba katei ka jingleit kyrpad sha u myntri ka de inamarba u MLA ka Mawsynram u bah Pynshngaiñ N Syiem um leh eiei. Ha katei ka jingiakynduh u la ong ba u Dango u la kular ban shimkhia kumno ban weng noh ia katei ka jingeh ki paidbah.