Shillong: Ka Hynniewtrep Youths’ Council (HYC) War Jaintia Circle hynnin ka sngi, hapoh ka jingialam u General Secretary u samla Tohmondiam Mukhim ryngkat bad u Asst.Secretary u samla Ededisuk Shylla, ki la leit ujor sha u Sub-Divisional Officer PWD, Amlarem, halor ka jingjulor bad jingbym biang ka rurom shna ne trei ia u surok na Tamabil shaduh Amsku ba dang dep shna ha u snem 2019.
Katkum, ka jingtip jong ka seng ia u tei u surok la shna ha ka Project bala fund daka MORT&H, Central Fund (CRF) hapoh ka Project Improvement Including Metalling & Black Topping Of Dawki-Muktapur Road (L=10Km) under CRF for the year 2018-2019 in the state of Meghalaya (JOB NO. CRF/MG/2018-19/062) ba la peit bad khmih da ka department ka Office i SDO PWD, Amlarem, hynrei kaei kaba la pynkyndit ia ki paidbah ka thain ka long mar ia dep shna ia u tei u surok bad hadien tang katto katne por u tei u surok ula sdang orpait noh katkum bala sakhi da ki paidbah ka thain.
U General Secretary, u samla Tohmondiam Mukhim u la kyntu jur iaki bor ba dei peit baki dei ban khmih bniah ia ka rukom trei ia u tei u surok, khnang baki paidbah nongleit nongwan bad ki nongshong shnong ka thain kin suk haka leit ka wan. U la ong ruh, ka Seng kan bud dien khmabniah iakane ka kam.
Naka liang ka seng, ka pynrem jur halor ka jingtrei torti ia u tei u surok bad haka juh ka por ka seng ka kyntu bad ka maham ia ki contractor bad kumjuh iaki bor ba dei peit, ba nangne sha khmat lada kim lah ban trei bha iaka kam bala bynshet haki, ka seng kan leh iakaba donkam.
Phi don ban ong eiei?