Shillong:Ki nongialam ka Hynniewtrep National Youth Front(HNYF), na Lapalang, ki la ujor sha ka Deputy Commissioner, jong ka East Khasi Hills District halor ka jingieng beain ki kali hajan ka jingkieng Dawki. La ujor ba katei ka jingieng kitei ki kali, ka la pynthut shibun ia ka iaid ka ieng bad ka leit ka wan jong ki kali, kiba dei ban iaid lyngba katei ka surok kaba khim.
La ong ruh ba katei ka jingieng kali, ka buh jingeh shibun ia ka leit ka wan, kaba la pynmih ia ka jingdheng kali kaba jubor bha ha katei ka jaka, kaba don ha syndah ka shnong Dawki, ha kaba ki kali kit nongpang ruh ki shem jingeh shibun ban iaid lyngba katei ka jaka, ong ka kyrwoh na U bah D Khongthohrem, President bad U Bah M Khonglaban, Secretary jong katei ka seng na Lapalang.